مغربية شعبية

خفتْ على راسِي من الرِّيح أو غطِّيتُو

ماجْبْتهاشْ فْ راسِي ولا سطِّيتُو

الدِّيتْها فْ راسِي أو من الخوى حضيتُو

هزِّيتْ بْراسي..درتْ لو النفسْ أو علِّيتُو

خفتْ على راسي أو بْ الخوف نجِّيتُو

----------------------------------------------------
يْكْذبْ عليكْ الكذّابْ


اللِّي يْتْظاهْرْ بالفرحة الدّايمة


اللِّي بيّنْ سماهْ صافية ماهي غايْمة

يكذبْ عليكْ الكذّابْ

اللِّي زوَّقْ عِينُو…أو هيّ فْ الدموعْ عايمة

اللِّي قولْ مرتاحْ…وْ جفانُوا ماهي نايْمة


اللي يْضحك عل الحب…وْ روحو عل الغرام صايمة

يكذْبْ عليكْ الكذّاب

اللِّي قول شبعان…أو نفسو عل الخبزة حايْمة

-----------------------------------------------------


خلِّيكْ فْ هواكْ خلِّيكْ


دابا الوقتْ الدُّورْ وْتْورِّيكْ

اللي يْكرْهْكْ وْاللِّي يبْغِيكْ

شكرا