عائلة أبو عبود عائلة بسيطة...تتكون من ..أبو عبود، أم عبود، عبود ، ريموه، فهود، رشود، فطيم ، سلوم
العيال جالسين في الصالة ويطالعون التلفزيون
سلوم( عمره 7 سنوات) : متى بيأذن المغلب (المغرب) ..تلاني يوعان
ريمو(عمرها 20 سنة ) سلوموه...جب...حشرتنا تراك.. كل دقيقة تيلس تحن فوق روسنا...ما عرفنا نطالع المسلسل
فهود(عمره 18) : وأنت شلك يوم هب قادر ليش تصوم ؟!
سلوم: ثوفو اذا ما ثكتو عني بخبل (بخبر) امايه
فهود:ماشي الحين.. الا هو يوم واحد تصومه وباجي الايام تفطر...يا دلوووع امك
(تدش فطيم الصالة وهي معصبة)
فطيم (عمرها 19) اييييه ...ريموه
ريموه تلبسها (تطنشها )
تعصب فطيم زيادة
سلوم : أففففففففففف ....فتيم (فطيم) ثو هاذا أنتي ياي من المتبخ ...تلعي (طلعي) بررع بسلعة ...ليحتث كلها بثل (بصل)
خلود:ههههههههههههه والله يعرف يرمس سلوموه الحين
ريموه: ههههههههههههههههههههه زين سويت فيها ..احسن تستاهل
فطيم : جب انته بو راس ...بس ما عليه ان ما خبرت عليك ابويه وقتله أنك فطرت اليووم!!
فهود: شووووووووه
ريموه: كنت حاسه انه بيفطر هههههههه
سلوم: جذابه انتي
فطيم: وليش اجذب عبالك ما شفتك..يوم دشيت المطبخ وخذيت قوطي التونة ..ورحت ورى البيت تأكل...هاااااااه ...اسير ايب القوطي
سلوم (يصيح...ما شي دموع بس يعصر عمره) انتو ثو فيكم كلكم علي ..ما تحبوني ادليبكم تغالون (تغارون ) مني لان امايه تحبني أكثر واحد...اهئ اهئ اهئ
فهود:تحبك!!..على شوه يا حسره حلات الضرسين اللي مكسورين اول شي ...فاتحلي دريشتين... ولااااااا هالشعر تقول شعر قنفذ
سلوم:اهئ اهئ اهئ
ريموه : بس عاااااااااااااد طفرتونا..حشرة انتو عنبوه ما فهمنا شي من حلقة اليوم في المسلسل ...فهود اسكت لاتزيده ما فينا الحين تي امايه وتصفعنا ...بس سلوم فديتك خلاص
فطيم: لا تيلس تعاير اخوك الصغير
فهود: اندوكم...تكلمت وكالة الاخبار المتنقلة ...انتي توج يالسه تعايريه
فطيم: يا الله عاد احترم نفسك
سلوم: انذين يا فهود ما عليه ان ما خبلت عليك يوم هذيج الملة(المرة) كنت تلمس في التيلفون مع.....................!!!
فهود: (يرتبك) هااااااااااااااااه ...شوه...منوه...انا
سلوم :هي انت وكنت .....
فهود: ( يقطع على سلوم كلامه) حبيبي سلومي..تعال...ما خبرتك..عندي سالفة لك
( ويسحب فهود سلوم من كراعه ويطلع من الصالة)
فطيم: ريمووه
ريموه: خير ...شو عندج
فطيم: أونج ما تسمعين يوم أزقرج
ريموه: لااااا ما اسمع ..صمخا ..ما دريتي
فطيم: ليش ما يلستي تساعدينا في المطبخ ..وتسوين ويانا الفطور
ريموه: لحوووووول..تعرفين اني ما أحب ادش المطبخ ..وبعدين منو قال اني ما ساعدتكم ...تراني سويت عصير
فطيم ) :وهي معصبة) وااااااااايد عليج ..ليش تعبتي عمرج
(يدخل سلوم وفهود الصالة )
فهود: خاطري مرة أثوف ..اقصد اشوف .. فطيم وريموه ما يتناقرون يوم واحد كله منك يا سلوم الحين ارمس شراتك
ريموه:ما يلك خص انته
فطيم :لا تدخل احسلك
سلوم: اثكت احثلك هذيل البنات يوم يبدأن يضالبن (يضاربن) محد يلوملهن ... ابعد عن الثر (الشر) وغنيلوه ..واااااااويلوه ههههههههههههه
(يدخل رشود الصالة)
رشود: لحوووووول ..شو فيكم كله مصارخ ومضارب...حشرة ما عرفت ادرس ..والله ما عرفت من وين نحصلها منكم انتو يا الخايس ولا هل الجيران اللي مطفريني ومطولين على المسجل اخر شي
سلوم: اللهم اني ثائم (صائم) انا ما ثويت ثي ولا قلت ثي ولا ثفت ثي
ريموه: اوووووووووه ...ياكم راعي دودة الكتب
فهود: سكتو ياكم عبقرينو..عاد الحين الخبصة صدج
رشود : عنبوكم زاد ..انتو اونكم صايمين
( يدخل ابو عبود الصالة والكل يسكت )
ابو عبود: وانتو الحين ما عندكم غير مجابل هالتلفزيون 24 ساعة هب مبقين شي ما تطالعونه ..وبعدين ما تسمعون امكم يالسه تزقركم ...تراها معصبة وتشاتم
سلوم : ثو نثوي لا فالحين في الدراثة ولا ثي
ابو عبود : ما عليك انتب و لسان طويل صدق يباله قص...طرطور ويتكلم يا الله كل واحد يروح غرفته ويذاكر ولا يمسك له مصحف وانتو يا بنات روحو المطبخ وساعدو امكم في المطبخ تراها معصبة.... صدعتنا بحشرتها حشا ما تسكت
( أم عبود في المطبخ ، تدخل عليها فطيم و ريموه )
ام عبود: تو الناس ..ليش يتن ..جان يلستن بعد شويه
ريموه: والله ما عرفنالكم ...مرة تقولون ما تساعدونا .. وتعصبون..ومرة تقولون لا تساعدون ..وبعد تعصبون..لحووووول
فطيم: انتي عاد اخر الناس يتكلم عن المساعدة..انتي شو تسوين؟؟ بس فالحة تصرطين وتنامين وترضعين هالتيلفون ..شي شغله ثانيه
ريموه: ما برد عليج...مووووتي قهر
أم عبود ..عنبوه ..ديك وديايه ..خلصنا يالله الحين بيأذن المغرب ..خلونا نحط الفطور ..ما فينا على حشرة ابوكم
( ريموه ،فهود،سلوم،فطيم يالسن في الخيمة )
سلوم: واحد..اثنين..ثلاثة..ثتة(سته) عثرة ..الحين بيأذن المغلب
فطيم : بعده باقي عشر دقايق عن يأذن ..انت ليش مستعيل ؟
فهود: الحين هو اللي مستعيل ولا انتي !!؟ أمره حاسبتنهن عشر دقايق بالضبط
ريموه : اممممممممم ( تفتح الطاسه) شو داخلها ثريد ..وااااااااااي احبه وايد
فهود: وين المحشي؟ ليش هب مسوينه اليوم؟ انا ما اعرف افطر بدون محشي
فطيم: والله عاد جان فيك شدة ليش ما تروح انت وتطبخ ..طرار ويتشرط ..كل هذا الاكل وهب عايبنك ..حمد ربك على النعمة .. ناس ما محصلين فطور
سلوم: ثح لثانج فتيم اول مرة تقولين ثي ثح في حايتج
( يدخل رشود الخيمة)
رشود: حشا...ترى مب زين جيه تيلسون وتتطالعون الاكل قبل الأذان
سلوم: انا قلتلهم بث ما يثمعو كلامي
( يدخل أبو عبود وأم عبود)
أبو عبود : هااااااه وين اخوكم العود عبود !؟
فهود: يعني وين اكيد راقد
ابو عبود : ما ادري انا هالولد رقاد من الصبح لين المغرب لا عبادة ولا صلاة ..اشو صيامه هذا !!
ام عبود: رشود سير قومه من الرقاد
ريموه تهمس حق فهود
ريموه: اكيد من حقه ينام ...مأخذ شهادة صياعة وحوامة ...دبلوم مغزل وهياته في الشوارع
ابو عبود: الله يكون في عون الجميع ويهديكم يا عيالي ويصلح شأنكم
سلوم: آآآآآآآآآآآمين وانجح في امتحان الرياضيات باجر
(بعد أجتماع أفراد العائلة ...يأذن المغرب ...يقول ابو عبود دعاء الافطار ويفطورن )
----------------
[/b]
[/b
موضوع: قصة ابو عبود 
السبت يونيو 27, 2009 5:13 am
