قـــــلـم مـلـــــون
Admin
عدد المساهمات : 2647
 |  موضوع: قصيدة الشاعر بالنساء المتزوجات ,,  الثلاثاء يوليو 28, 2009 11:07 am | |
| بسم الله الرحمن
قصيدة الشاعر بالنساء المتزوجات ,,
بعض النساء تجلب على بيتك الخيـر ** والبعض منهن لـك تجيـب النكـاده
والبعض منهن مثل وصف النواويـر ** ومع العقل والزيـن فيهـا الركـاده
والبعض منهن يستر الحـال تستيـر ** لوهي تعيش العمـر صبـر وجـلاده
والبعض منهن عقلها يـوزن النيـر ** ومعها على تـاج الرزانـه شهـاده
وبعضهن احلى من حليـب المغاتيـر ** واحلى من الطايـف ونفحـة بـراده
وفي مجتمعها تمشي ابحسـن تدبيـر ** عقـلٍٍ رزيـن وفـي حلاهـا زيـاده
وبعضهن اينومسك عنـد المساييـر ** والبْـن فالدلـه اتظـبـط اقـنـاده
وبعض اللسنتهن مثل وصف المناشير ** والبعض منهن طايـشٍٍ فـي عنـاده
والبعـض منهـن فكرهـا بالدنانيـر ** قشـرا وشوشتهـا سـواة العـراده
والبعض منهـن مايكـب المشاويـر ** وفيها التغطـرس والغبـاء والبـلاده
وهذي هي اللـي تستحـق البواكيـر ** حيـث انهـا للسـوق فيهـا عبـاده
والبعض منهن عايـشٍٍ دون تفكيـر ** وان شفتها منتـه ب ويـا السعـاده
وان رحت عنها ولعت فوقك اسعيـر ** وشنت عليك الحرب حـرب الابـاده
واللي ماصار اترهمه غصب ويصيـر ** ومـن جورهـا لازم تـزور العيـاده
والبعض منهن دايم اقدامهـا اتسيـر ** علـى امـهـا والام راس القـيـاده
وتنفـذ اللـي تسمعـه دون تاخيـر ** وترسم امخططهـا لفـرض السيـاده
واليا حصل من بينكم شـيٍٍ اصغيـر ** تفيـد منهـو ماطلبـهـا الافــاده
وتوافـي اهلهـا بـكـل التقـاريـر ** ليـن الرجـل يعـاف شربـه وزاده
واليـا ظربهـا كـف مالـه معاذيـر ** راحت هو ياكل عشاء البيـت سـاده
راحت طمـوح وبلشـوه العصافيـر ** ومن همهم حـارب منـام الوسـاده
وان جاء يرجعهـا عيونـه مطاييـر ** قالوا قبـل ترجـع تجيـب القـلاده
وسبحه من الأربش وأطقم أساويـر ** ومن جورهـن لا واعنـاه وهجـاده
وان كان ماانسابك ارجـالٍٍ مناعيـر ** هيجـن وهوبـل ياحيـاة الـقـراده
وارجو السموحه من جميع الغناديـر ** وهن الأصل منهـن للاقطـار سـاده
ومصنـع رياجيـلٍٍ تقـود الطوابيـر ** والحـرب تقـدح للمعـادي ازنـاده
والمعذره وان كان بالقـاف تقصيـر ** وماكل من يجهد نجح فـي اجتهـاده
وللكلمه الجزلـه زبـون وجماهيـر ** وقول بـلا حكمـه مافيـه استفـاده
والله يجعل لي مـن الذنـب تكفيـر ** يوم ان راع الـزرع يلقـا حصـاده
ويرسل على الانذال زلـزال كشميـر ** حتى الفلل تصبـح سـواة الرمـاده
تحياتي لكم | |
|
الذيــــــــــــــــــب
عين لا تنام
عدد المساهمات : 182
| | موضوع: رد: قصيدة الشاعر بالنساء المتزوجات ,, الأربعاء يوليو 29, 2009 6:28 pm | |
| تسلم اخي الكريم على المجهود الطيب | |
|
قـــــلـم مـلـــــون
Admin
عدد المساهمات : 2647
| |
m4me
مشرف منتدى
عدد المساهمات : 516
| | موضوع: رد: قصيدة الشاعر بالنساء المتزوجات ,, الأحد أغسطس 30, 2009 7:17 am | |
| | |
|
محمد الروش 1
قلم نشيط
عدد المساهمات : 740
| | موضوع: رد: قصيدة الشاعر بالنساء المتزوجات ,, الخميس سبتمبر 03, 2009 3:15 am | |
| | |
|
قـــــلـم مـلـــــون
Admin
عدد المساهمات : 2647
| | موضوع: رد: قصيدة الشاعر بالنساء المتزوجات ,, الخميس سبتمبر 03, 2009 5:27 am | |
| | |
|
[/b]
[/b
