عرسان سنة 3001

تخيل وانت قاعد كده بتقراء كتاب رومانسى
والا بتتفرج على فيلم عربى والا هندى
رومانسى
(يشيل)
وبتفكر وسرحان فى فارسه احلولدتك
اللى هتيجى تاخدك على الحمار البنفسجى
(اللى هيطير بيك ويوقعك راقبتك تتكسر )
تلقى الست الوالده داخله عليك وبتقولك عوزه اكلمك ياواد فى موضوع
وانت تتخض وتخاف وتقولها خير ياماما


تقولك خير ياحبيبى عندى ليك خبر يفرحك
وانت زى الاهبل
(تتنطط وترقص وتسال ولدتك خير خير )
تقولك جارتنا ام برقوقه جايه تخطبك للبت برقوقه
بنتها وانت خلاص كبرت وحلويت
والبنات بقت تتحدف عليك
وانت بقى تتكسف وتوطىء راسك فى الارض
(مسكوف ياعين ماما -- سيد امه ياناس )

وتقول للحاجه الوالده اللى تشوفيه ياماما
تقولك مامتك البنت حلوه ومؤدبه
ووظيفه كويسه ومرتبها عالى
ومن عيله محترمه ومن الشغل للبيت
ومن البيت للشغل

ولا بدخن ولا بتروح ولا بتيجى
وانت تقول للحاجه وانت مكسوف
( ياعين ولدتك)
طب هى شفتنى فين ياامى وانا دايما قاعد فى البيت
تقولك ولدتك شفتك وانت بتشترى الخضار من السوق
ياضنايا
(يالهوى على الجمال خضار كمان)
وجايه هى وامها يشوفوك يوم الخميس
طب ياماما وبابا ايه رايه
ابوك يابنى محتس فى الطبخ وغسيل الصحون
الله يعينه سيبه فى حاله
( اااه يانى راحت خلاص على الرجاله )

وتقول لمامتك الحاجه اللى تشوفيه ياماما اعمليه
انا تحت امرك وتطلع جرى على اوضتك تتنطط
تنطيط ادام المرايا وتلف نص لفه يمين ونص لفه شمال وتغنى وتعملى فيها سعد الصغير
( هتجوز --- هتجوز)
ويجى يوم الخميس وتروح للكوافير الرجالى
وتضرب شعرك هاى لايت وتشيل حواجبك خالص
(نيولوك بقى ياجدعان )
وتروح بيتكم وتلبس القميص والبنطلون
اللى فصلتهم عند عمو عبده الترزى
وتلبس الجزمه الاجلسيه الملمعه
( يلهوى على الجمال -- ايه ده عريس اجمل من جون ترافولتا ياجدعان)

وتنزل بسرعه اول ماتعرف ان برقوقه والست والدتها
الحاجه فى صالون بيتكم وبابك يقولك خد العصير
وادخل سلم على عروستك وحماتك
وانت تتكسف وتقول لبابك انا مكسوف يابابا
(مكسوف -- مكسوف -- مكسوف)
وتاخد صينيه العصير وتدخل ترمى السلام
( ياسيدى مسى علينا )
واول ما العروسه تشوفك تعكسك بكلمتين حلوين
وانت ياقلب ولدتك تتكسف وتقدم العصير وتسيبهم وتطلع تجرى من الفرحه
( عروسه يابوى)

واخواتك بقى يسالوك شكلها ايه تقولهم حلوه حلوه
وعسل عسل عسل
واوحى اوحى اوحى خالص
وفجاه الست الحاجه والدتك تقراء معهم الفاتحه
وتسمع انت واخواتك صوت زغروطه تجنن من بابك
خارجه من المطبخ
(لووووووووووولى )

وفجاه وبدون مقدمات تتفاجىء بدخول اختك
اللى خارجه من قضيه سطو مسلح وتجاره هيروين
وبتقول فى ايه بيحصل من ورا ضهرى
(اوبااااااااااااااااا الجوازه هتتفركش ياحلو )

يقوم السيد الوالد شكر الله سعيه يهديها بكلمتين
ويقولها اخوكى بيتخطب تصرخ بصوتها اللى بيسمع
اول الشارع عندكم وشفت اخويا فين البت دى
هو اخويا بيخرج لوحده فى الشارع من ورايا
( مش بقولك الجوازه هتبوظ يابنى عوضك على الله )
والدك الغالى يحاول يهديها ويقولها لا يابنتى ده جايه
على السمع وسمعه اخوكى اللى زى الفل
( تخرس البت وتتكم وتسكت خالص )
وتستعد بقى ياجميل للخطوبه والجواز
وتتجوز برقوقه وشهر والتانى برقوقه تغضبك
تلم هدومك وتروح غضبان فى بيت الست الوالده
والوالده تصلح بينكم
0وتعيش باقى حياتك مع برقوقه فى تبت ونبات0

والنبى ياجماعة اللى يدخل يقرا الموضوع
يصوت صوتين قبل ما يخرج على عرسان
سنه 3001